Hola!
Chámome Daniel e son gaiteiro da Asociación Folclórica Cántigas e Frores de Lugo. Preguntarédesvos o por que desta páxina, non? Pois ben. Hai uns anos, eu comecei a buscar repertorio na internet para ampliar o que me daba o meu profesor. Así, decateime de que non había un repertorio moi amplio na rede. Só algunhas páxinas tiñan sinxelas pezas tradicionais que, na maior parte dos casos, xa coñecía. Así pois, o meu obxectivo con este blog é dar a coñecer ao público un repertorio un pouquiño máis extenso con pezas tradicionais e de autor. Que vos aproveite!
